اذا واحد عالإشارة معطل السير و مو راضي يمشي و يمه سيارة فيها بنية
ليش نقول هذا مغازلجي؟؟
يمكن قاعد يسوي عمل خير و يبي يدليها
( أي خبرك شبابنا راعيين فزعه ما يقصرون )
............ ......... ......... ......... .......... ......... ......... ......... ...
اذا مرت وحده الساعه 12 بالليل بسيارتها
ليش الشباب يفجون عينهم و يخزونها
يمكن دكتوره عندها خفاره رايحه المستشفى
( حلاتهم ملائكة الرحمه )
............ ......... ......... ......... .......... ......... ......... ......... ...
اذا وحدة المكياج ما يطيح من ويهها
ليش نقول عنها جيكرة و بتغطي العيوب
يمكن البنت عندها هواية الرسم
( ودي اصدق )
............ ......... ......... ......... .......... ......... ......... ......... ...
اذا واحد طول ما هو يمشي يطلع هذي و هذيج
ليش نقول عنه خفيف
يمكن الريال قاعد يسوي تمرين حق رقبته
( بعد سنة بتلقونه منقلب نعامة )
............ ......... ......... ......... .......... ......... ......... ......... ...
اذا وحده حلوه مرت و ريلج طالعها
ليش اتحسين انه يتحرش فيها و معجب ؟؟
يمكن ايقول بقلبه مرتي تسواها و تسوا اهلها
( عيل شكو يطالع؟؟ )
............ ......... ......... ......... ......... .......... ......... ......... ...
اذا وحده ثقيله و ماتضحك على اي شي
ليش انقول نفسيه و شايفه روحها ؟؟
يمكن عندها حالة وفاة او احد من اهلها فيه شي
............ ......... ......... ......... .......... ......... ......... ......... ...
اذا بنيـه شعرها بوي ليش سيده على بالكم صبيك
يمكن شعرها خفيف او مو حلو عليها الطويل
( انا اقول نتأكد من الصوت اذا مثقلته يمكن تكون شاربة شاي نعناع )
............ ......... ......... ......... ......... .......... ......... ......... ...
اذا واحد الله قارده بلون ابيض و شفايفه حمر
ليش عبالكم جنس ؟
ياخي العرج يحن شيسوي
............ ......... ......... ......... .......... ......... ......... ......... ...
اذا مرت فلبينيه و خزها شايب ليش اتفكرون غلط
يمكن ماعندهم خدامه و بقلبه ايقول هذي تصلح
( الا شايب مراهق )
............ ......... ......... ......... .......... ......... ......... ......... ...
اذا قلتي حق ريلج ابي فلوس و قال ماعندي
ليش اتظنين فيه ظن السوء
يمكن امسويلج مفاجأه بيشتريلج شاليه
( طــــــــــــــــل )
............ ......... ......... ......... .......... ......... ......... ......... ...
اذا واحد صار له 7 سنين بالجامعه وصار طرشي
ليش انقول عنه فاشل ؟؟
يمكن اخته مستجده و ينطرها تتخرج يخاف عليها
( اخاف ناطر احد ثاني مو اخته )
............ ......... ......... ......... ......... .......... ......... ......... ...
اذا وحده ميته من البجي بسيارتها
ليش كل الناس اتطالع
و على بالهم ريلها طاقها ..؟
يمكن عرسها اليوم و الخياطه خربت نفنوفها
( أحلى ترقيع )
............ ......... ......... ......... .......... ......... ......... ......... ...
اذا اثنين تزوجوا و مايابو عيال ليش سيده تقولون مافيهم عيال و اتدشون بخشومهم ؟؟
يمكن اهمه مأجلين الموضوع
( لاحقين على الحنه )
............ ......... ......... ......... .......... ......... ......... ......... ...
اذا واحد على طول مغتر ..... بر , نادي , مباراة
ليش اتقولون عنه اصلع و المايه قراح ؟؟
يمكن الريال ايحب الرزه
( اي وااااااااااضح )
............ ......... ......... ......... .......... ......... ......... ......... ...
اذا شفتوا بالمطار البنات اللي واصلين من ايران خشومهم
ملزقه و عليها بلاستر
ليش على بالكم عمليات تجميل ؟
يمكن صار مطبات هوائيه و روسهم طقت
الكراسي اللي جدام
( اخاف الكابتن كان يسوق تكسي بمصر و انا مادري )
............ ......... ......... ......... .......... ......... ......... ......... ...
اذا وحده انعزمت على عشاء و ماكلت
ليش على بالكم رجيم و تتناغزون عليها
يمكن ياعت و تعشت مبجر
( شخباري اللي يتعشون مبجر )
............ ......... ......... ......... .......... ......... ......... ......... ...
اذا وحده اتدش الجامعه و تنفصل و اتدش التجاري
و تنفصل وتدش دورات خاصه او دورات مياه اخر شي نيوهورايزن
ليش انقول عنها فاشله ..؟
يمكن اتدور مصلحتها وين
( انا اقول تتزوج و تجابل ريلها و تربي عيالها ابرك )
............ ......... ......... ......... .......... ......... ......... ......... ...
اذا واحد كل شهر سياره شكل مره مرسيدس
مره جاكور ليش على بالكم فلوسه وايده ؟
يمكن اجار
( فششششششله )
............ ......... ......... ......... .......... ......... ......... ......... ...
اذا واحد خطب وحده و اهلها ما عطوه و ماتزوج عقبها
ليش اتقولون وووي لي الحين يبيها لي الحين ايحبها ؟
يمكن مالقى اللي يبيها
( وعلييييييه و الله بتخنقني العبرة )
............ ......... ......... ......... .......... ......... ......... ......... ...
اذا وحده ساكنه بيت اهل ريلها و ماتنزل تتغدى معاهم
ليش ايقولون عنها شايفه روحها و نسره ؟؟
يمكن مسويه رجيم و ماتبي تقول
( خوو غصب يعني ؟؟ )
............ ......... ......... ......... .......... ......... ......... ......... ...
لو واحد كل تدزونله ايميلات و ما يرد عليكم
ليش تقولون جعص ؟؟
يمكن الاخ مشغول و حتى مو ملحق يحك راسه
( شدعوه رئيس مجلس ادارة )
تره ما اقصد احد و كلكم خير و بركة
كل عام و انتو بخير